FIDE-nin Etika və İntizam Komissiyası (EDC) danimarkalı hakim Arild Rimestadı şahmat yarışlarından iki il müddətinə uzaqlaşdırıb.
"Operativ Məlumat Mərkəzi-OMM" "Chess.com"a istinadən xəbər verir ki, o, Beynəlxalq Şahmat Federasiyasının əməkdaşına qarşı cinsi qısnamada ittiham olunur.
EDC A.Rimestadın iki il müddətinə FIDE-nin hər hansı tədbirində hakim kimi fəaliyyət göstərməsinə qadağa qoyub. Təkrar qayda pozuntusuna yol verilməməsi şərtilə cəzanın bir ilə endirilməsi ehtimalı var.
Qeyd edək ki, 58 yaşlı danimarkalı hakim A kateqoriyasına malikdir. O, FIDE-nin bayrağı altında keçirilən yarışlarda, rapid və blits üzrə dünya çempionatlarında, həmçinin Şahmat Olimpiadası kimi böyük turnirlərdə fəaliyyət göstərib.
