Türkiyənin "Fənərbağça" klubunda prezident seçkiləri keçirilib.

"Operativ Məlumat Mərkəzi-OMM" yerli mətbuata istinadən xəbər verir ki, Ali Koç daha üç il İstanbul təmsilçisinin rəhbəri olacaq.

O, digər namizəd Aziz Yıldırımı qabaqlayıb.

Qeyd edək ki, Ali Koç 2018-ci ildən "Fənərbağça"nın prezidentidir.

Portuqaliya millisinin hücumçusu Kriştiano Ronaldo ardıcıl oyunların sayına görə Avropa çempionatının rekordunu təzələyib.

"Operativ Məlumat Mərkəzi-OMM" xəbər verir ki, bu barədə “Stats Foot” portalı məlumat yayıb.

Ronaldo Avro 2024-ün qrup mərhələsinin 2-ci tur matçında Türkiyə millisinə qarşı komandasının start 11-də yer alıb. Bu görüş onun Avropa çempionatında ardıcıl 19-cu oyunu olub. Bundan əvvəlki rekord italiyalı müdafiəçi Leonardo Bonuççiyə məxsus idi.

Portuqaliyalı hücumçunun daha bir Avropa çempionatı rekordu var. O, tarixdə altı avroda oynamağı bacaran yeganə oyunçu oldu.

Almaniyanın “Bavariya” komandasının fiziki hazırlıq üzrə məşqçisi Tomas Vilhelmi vəfat edib.

"Operativ Məlumat Mərkəzi-OMM" Münhen klubunun rəsmi saytına istinadən xəbər verir ki, o, uzun sürən xəstəlikdən sonra 57 yaşında dünyasını dəyişib.

Tomas Vilhelmi 2007-ci ildən “Bavariya”da fiziki hazılıq üzrə məşqçi vəzifəsində çalışıb.

İngiltərənin “Everton” komandası heyətini yeni futbolçu ilə gücləndirib.

"Operativ Məlumat Mərkəzi-OMM" Premyer Liqa klubunun rəsmi saytına istinadən xəbər verir ki, Liverpul təmsilçisi “Aston Villa”dan 21 yaşlı mərkəz yarımmüdafiəçisi Tim İroqbunamı transfer edib. Onunla üçillik müqavilə imzalanıb.

“Everton”un bu keçid üçün qarşı tərəfə 9 milyon funt-sterlinq ödədiyi bildirilib.

Qeyd edək ki, Tim İroqbunam ötən mövsüm “Aston Villa”nın heyətində Premyer Liqada 9 oyunda iştirak edib.

Almaniyada keçirilən futbol üzrə Avropa çempionatının F qrupunda II tura start verilib.

"Operativ Məlumat Mərkəzi-OMM" xəbər verir ki, günün ilk matçında Gürcüstan və Çexiya yığmaları üz-üzə gəliblər.

Qarşılaşma 1:1 hesabı ilə başa çatıb.

Gürcüstanlı Jorj Mikautadze 45+4-cü dəqiqədə penaltidən fərqlənib. 59-cu dəqiqədə Patrik Şik tarazlığı bərpa edib.

Qeyd edək ki, Gürcüstan seçməsi ilk matçda Türkiyəyə (1:3), Çexiya isə Portuqaliyaya (1:2) uduzub.

Bu gün saat 20:00-da Türkiyə - Portuqaliya görüşü gerçəkləşəcək. AVRO-2024 iyulun 14-də başa çatacaq.

Azərbaycan millisinin qapıçısı Şahruddin Məhəmmədəliyev Türkiyənin “Adana Dəmirspor” komandasından ayrılıb.

"Operativ Məlumat Mərkəzi-OMM" Türkiyə mətbuatına istinadən xəbər verir ki, 30 yaşlı qolkiper Superliqa təmsilçisi ilə müqaviləsini birtərəfli olaraq pozub.

Ötən ilin yayında “Qarabağ”dan Adana təmsilçisinə keçən Ş.Məhəmmədəliyev bu komandanın heyətində 25 matçda 40 qol buraxıb. O, 5 görüşdə isə qapısını toxunulmaz saxlayıb.