Faktiki hava: Rayonlara yağış və qar yağır

Azərbaycanda küləkli və yağıntılı hava şəraiti davam edir.

“Operativ Məlumat Mərkəzi-OMM” xəbər verir ki, bu barədə Milli Hidrometeorologiya Xidmətinin aprelin 9-u saat 16:00-a olan məlumatında qeyd edilib.

Məlumata əsasən, Sabirabad, Kürdəmir, Qobustan və Neftçalada arabir yağış, Daşkəsən, Qax (Sarıbaş) və Şahdağda isə qar yağır.

Hazırda bir sıra ərazilərdə şimal-qərb küləyi əsir. Küləyin maksimal sürəti arabir Goranboyda 23 m/s, Ağdam, Tərtər və Naftalanda 22 m/s, Bərdə, Quba (Xınalıq) və Şahdağda 20 m/s, Mingəçevirdə isə 16 m/s-dək güclənir.

Həmçinin Şəki, Şamaxı, Daşkəsən, Göygöl və Lerikdə duman müşahidə olunur. Bu ərazilərdə görünüş məsafəsi 500 m-dək məhdudlaşır.