Avropa Komissiyası bu payız bütün Aİ viza siyasətinin sərtləşdirilməsinə hazırlaşır.
"Operativ Məlumat Mərkəzi-OMM" xəbər verir ki, bununla bağlı TASS-a Brüsseldəki diplomatik mənbə bildirib.
Bildirilib ki, buraya əsasən Rusiya, Belarus və İrana təsir edən təhlükəsizlik məsələləri əsasında viza imtinaları üçün yeni meyarların tətbiqi daxildir.
"Avropa Komissiyası Aİ ölkələrini bu payız təhlükəsizlik təhdidlərinə əsaslanaraq üçüncü ölkələr üçün Aİ viza siyasətini sərtləşdirmək üçün təkliflər təqdim edəcəyi barədə məlumatlandırıb. Bu təklifə Avropa Komissiyasının fikrincə, ictimai təhlükəsizliyə təhdid yaradan ölkələrin vətəndaşlarına vizaların verilməsindən imtina üçün yeni meyarlar daxil ediləcək", - mənbə qeyd edib.
Agentliyin mənbəyinə görə, yeni tədbirlər əsasən Rusiya, Belarus və İran vətəndaşlarına tətbiq olunmalıdır, lakin bu siyahı gələcəkdə genişləndirilə bilər.
