Martın 5-də Estoniyada 15-ci çağırış parlament seçkiləri keçiriləcək.
"Operativ Məlumat Mərkəzi-OMM" TASS informasiya agentliyinə istinadla xəbər verir ki, birpalatalı qanunverici orqanda 101 yer uğrunda 968 namizəd mübarizə aparır. Onlardan 10 nəfəri müstəqil namizəddir.
WUF13-lə bağlı dünya parlamentlərinə çağırış edilib
İctimai rəy sorğularının nəticələrinə görə, seçkilərin favoriti iqtidarda olan İslahatlar Partiyasıdır. Bundan əvvəlki parlament seçkilərində islahatçılar 34 mandat əldə ediblər. Bu partiyanın parlamentdə 33-dən 36-dək yer əldə edəcəyi gözlənilir.
Estoniyanın Mühafizəkar Xalq Partiyası ikinci yerdədir. Onun parlamentdə 19 yeri var. Proqnozlara görə, mühafizəkarlar öz təmsilçiliyini 23 mandata qədər artıra bilər.
Mərkəz Partiyasının parlamentdə 15-19 mandat qazanacağı gözlənilir. Bu partiya 2019-cu il seçkilərində 26 mandat əldə edib.
