Ermənistan-Azərbaycan münaqişəsinin həlli ilə bağlı bütün mümkün addımlar atılır. Lakin belə halların baş verməsi bu prosesin qarşısını alır.
Bunu "Operativ Məlumat Mərkəzi-OMM"-ə açıqlamasında hərbi ekspert Ramil Məmmədli bildirib.
"Təbii ki, Emənistan bu münaqişənin həlli ilə bağlı Qərbin aktivləşdiyi bir dövrdə Azərbaycan dövlət sərhəddində bu qarşıdurmanın baş verməsi təsadüfi deyil.
Düşünürəm ki, mövcud vəziyyətdə Rusiya faktoru xüsusi rol oynayır. Çünki KTMT-nin qüvvələrinin sərhəd bölgəyə gətirilməsi məsələsi var. Unutmayaq ki, Azərbaycan Hərbi Hava Qüvvələrinin komandanı ABŞ-də səfərdədir. Vaşinqtonda da Ermənistan-Azərbaycan nümayəndələrinin rəsmi görüşü keçirilir. Bunların hamısı onu deməyə əsas verir ki, mövcud vəziyyətdə hazırda münaqişənin sülh yolu ilə həllinin tərəfdarı olmayan çox güclü qüvvələr var. Bu yol isə hələki rəsmi Moskvaya gedir. Təbii ki, İran da məsələnin qısa bir zamanda həll olunmaması məsələsində maraqlıdır.
Ümumilikdə belə demək olar ki, təxribatların əsası Ermənistanda qoyulub, Azərbaycan bu təxribatda rol almır. Ermənistan bu təxribatların rüşeymidir və hər dəfə olduğu kimi münaqişənin həll yolu ilə bağlı müəyyən maneələr yaradır".
Aminə Nəzərova