Ermənistan Azərbaycana sülh sazişinin tam razılaşdırılması üçün təkliflər paketi göndərib.
"Operativ Məlumat Mərkəzi-OMM" xəbər verir ki, bu barədə parlamentdə jurnalistlərə respublikanın xarici işlər nazirinin müavini Paruyr Hovhannisyan məlumat verib.
“Biz son təkliflər paketini göndərmişik, Azərbaycan tərəfdən cavab gözləyirik”, - o qeyd edib.
Bundan əvvəl Ermənistanın xarici işlər naziri Ararat Mirzoyan Azərbaycanla saziş imzalamaq üçün bir-iki məqamın razılaşdırılmalı olduğunu bildirərək, İrəvan və Bakının bu məsələlərdə razılığa gələ biləcəyinə ümid etdiyini bildirib.
