Ermənistan 5 ölkədən modul nüvə stansiyası təklifi aldı

Ermənistan Rusiya, ABŞ, Fransa, Çin və Cənubi Koreyadan modul nüvə elektrik stansiyaları layihələri ilə bağlı təkliflər alıb.

"Operativ Məlumat Mərkəzi-OMM" xəbər verir ki, bununla bağlı Ermənistan KİV məlumat yayıb.

Bildirilib ki, modelin seçimi ilə bağlı yekun qərar hələ verilməyib, lakin qərar bu il və ya 2027-ci ildə verilə bilər.

Seçilən modeldən asılı olaraq Ermənistanın hansı ölkə ilə işləyəcəyinə qərar veriləcək, çünki modul nüvə elektrik stansiyaları sistemləri əvvəllər geniş şəkildə tətbiq olunmayıb və əlavə tədqiqatlara ehtiyac var .

Xatırladaq ki, 2023-cü ildə Ermənistan hökuməti Ermənistan Atom Elektrik Stansiyasının ömrünü 2036-cı ilə qədər uzatmaq qərarına gəlmişdi.

Ermənistanın Baş naziri Nikol Paşinyan Ermənistanın 2036-cı ilə qədər modul nüvə elektrik stansiyası tikməyi planlaşdırdığını bildirərək, bu məsələ ilə bağlı bir sıra ölkələrlə danışıqların aparıldığını vurğulamışdı.