Ərdoğan zəlzələdən sonra Qaziantepə getdi

Türkiyə prezidenti Rəcəb Tayyib Ərdoğan Qaziantep vilayətinə gedib.

"Operativ Məlumat Mərkəzi-OMM" xəbər verir ki, ölkə lideri zəlzələdən sonra Qaziantep-Kilis Fəlakət Evinin təməlini qoyub.

Zəlzələdən zərər çəkən 11 vilayətdə 61 min 726 evin inşaat prosesinə başlanılıb. Bu çərçivədə Qaziantepdə 7087 yaşayış yeri və kənd evi, Kilisdə isə 649 yaşayış evi tikiləcək.

Mərasimdən sonra Ərdoğan zəlzələdən zərər çəkənlərlə iftar açacaq.

Qeyd edək ki, bu gün Qaziantepdə yenidən zəlzələ baş verib. Təbiət hadisəsi 4,3 bal gücündə olub.