Türkiyə Prezidenti Rəcəb Tayyib Ərdoğan Qırğızıstanın paytaxtı Bişkekdə Rusiya Prezidenti Vladimir Putinlə keçirdiyi ikitərəfli görüşün məhsuldar və səmimi atmosferdə baş tutduğunu bildirib.
“Operativ Məlumat Mərkəzi – OMM” xəbər verir ki, “RİA Novosti” agentliyinin məlumatına görə, görüş zamanı əsas müzakirə mövzularından biri Ukraynadakı vəziyyət olub. Ərdoğan tərəflər arasında aparılan danışıqları yüksək qiymətləndirib.
Türkiyə lideri görüşlə bağlı açıqlamasında bildirib: “Biz cənab Putinlə ikitərəfli görüş keçirdik. Bu görüş zamanı, xüsusilə Ukraynadakı hadisələri müzakirə etmək imkanımız oldu və bu, çox məhsuldar bir müzakirə idi. Görüş çox səmimi bir atmosferdə baş tutdu”.
Müzakirələr zamanı Ərdoğan Türkiyənin Ukraynada sülhün bərqərar olunması istiqamətində vasitəçilik səylərini davam etdirməyə hazır olduğunu vurğulayıb. Ankara münaqişənin diplomatik yollarla həllinə töhfə vermək niyyətində olduğunu bir daha bəyan edib.
Qeyd edək ki, sentyabrın 1-də Qırğızıstanda keçirilən Şanxay Əməkdaşlıq Təşkilatının sammiti çərçivəsində baş tutan Ərdoğan-Putin görüşündə regional təhlükəsizlik və beynəlxalq gündəmin aktual məsələləri müzakirə olunub.
