Türkiyə, Səudiyyə Ərəbistanı və Pakistan arasında imzalanan müdafiə sazişi heç bir dövlətə qarşı yönəlməyib.
“Operativ Məlumat Mərkəzi – OMM” xəbər verir ki, bunu Türkiyə Prezidenti Rəcəb Tayyib Ərdoğan “Asharq Al-Awsat” qəzetinin baş redaktoru Qassan Şarbelə müsahibəsində bildirib.
Məlumata görə, üç ölkənin liderləri tərəfindən imzalanan sənəd kəşfiyyat məlumatlarının mübadiləsi və regional təhlükəsizlik sahəsində koordinasiyanın gücləndirilməsini nəzərdə tutur.
Ərdoğanın sözlərinə görə, razılaşma sülh, sabitlik, həmrəylik və kollektiv çəkindirmə prinsiplərinə əsaslanır.
Türkiyə Prezidenti vurğulayıb ki, sazişin əsas məqsədi regionda təhlükəsizliyi gücləndirməkdir və hər hansı dövlətə qarşı yönəlmiş hərbi-siyasi blokun yaradılmasını nəzərdə tutmur.
Ərdoğan qeyd edib ki, Ankara Yaxın Şərqdə baş verən proseslər fonunda region ölkələrinin təhlükəsizliyin təmin olunmasında öz məsuliyyətlərini artırmasının vacibliyini müdafiə edir.
