Türkiyə prezidenti Rəcəb Tayyib Ərdoğan İsrailin Qəzza zolağında hərbi əməliyyatını davam etdirməsinə beynəlxalq reaksiyadan qəzəblənib.
"Operativ Məlumat Mərkəzi-OMM" xəbər verir ki, xarici KİV məlumat yayıb.
Onun sözlərinə görə, Fələstin bölgəsində baş verən humanitar fəlakətdə iştirak edən İsrailin baş naziri Benyamin Netanyahu ABŞ-da alqışlanır.
“Bu, ağıl və vicdan tutulmasıdır. Bu nədir? Bunu başa düşmək mümkündürmü? Demokratiya haradadır? Azadlıq haradadır? İnsan hüquqları haradadır?,- deyə Ərdoğan bildirib.
O əlavə edib ki, ABŞ-da Netanyahunun şərəfinə “alqış şənliyi” keçirilib, İsrail isə Vaşinqtonun bəyan etdiyi dəyərləri, o cümlədən insan hüquqlarının müdafiəsini tapdalayır.
Ərdoğan Qəzzada soyqırımın təxminən 10 aya yaxındır davam etdiyini və dayandırılmasının mümkün olmadığını vurğulayıb.
