Ədliyyə Nazirliyi təkrar qeydiyyatdan keçmək üçün müraciət edən sabiq deputat İlyas İsmayılovun sədri olduğu Ədalət Partiyasına imtina cavabı verib.
"Operativ Məlumat Mərkəzi-OMM" xəbər verir ki, partiyanın açıqlamasında qeyd olunub ki, bəzi məsələləri dəqiqləşdirməyə ehtiyac var.
"Ədliyyə Nazirliyi məktubda qeyd edib ki, bəzi üzvlərin məlumatlarında dəqiqləşdirmələr aparmağa ehtiyac var. Ad, soyad və ya doğum tarixlərində səhvlər var. Onları düzəltmək lazımdır. 6200 nəfərdən 2000-ə yaxın belə üzvümüz var. Bunlardan 800-ə yaxın üzvümüzün telefon nömrəsi yoxdur. Onların da telefon nömrələrinin dəqiqləşdirilməsi işi gedir. Ümumiyyətlə, önümüzdəki 1 ay müddətində bu səhvləri aradan qaldıracağıq",- deyə məlumatda qeyd olunub.
Xatırladaq ki, qeydiyyata alınmayanlar sırasında REAL, Müsavat, AXCP, ADP, Ağ partiya, AMİP, Azadlıq və Ümid partiyaları da var.
Ölkədə indiyədək qeydiyyatdan keçən yeganə partiya YAP-dır.