OMM Redaksiyası
Çində yaddaş klinikasının nevroloqları 19 yaşlı gəncə Alzheimer diaqnozu qoyublar.
"Operativ Məlumat Mərkəzi-OMM" xəbər verir ki, sözügedən gənc 17 yaşında yaddaş itkisi yaşamağa başlayıb və zaman keçdikcə koqnitiv çatışmazlıqlar artıb. Xəstənin beyninin görüntüləri yaddaşda olan “hipokampus”da daralmanı aşkara çıxardı. Digər tərəfdən, onurğa beyni mayesindən götürülən nümunə də xəstəliyə işarə edirdi.
Bununla belə, yeniyetmənin ailəsində Alzheimer və ya demans xəstəliyinin olmadığı açıqlanıb. Çində bu yeni diaqnozdan əvvəl ən gənc Alzheimer xəstəsinin 21 yaşında olduğu məlumatı paylaşılmışdı.
