Dünyada təxminən 2,6 milyard insanın hələ də internetə çıxışı yoxdur.
"Operativ Məlumat Mərkəzi-OMM"xəbər verir ki, bu barədə Beynəlxalq Telekommunikasiya İttifaqı məlumat verib.
BTİ internetə qoşulmayan insanların sayının ildən-ilə azaldığını vurğulayıb. Məlumata görə, 2022-ci ildə internetə qoşulmayan insanların sayı 2,7 milyard olub.
Qeyd olunur ki, dünyada 67% insan internetə qoşulur.
BTİ-nin məlumatına görə, internetə çıxışı olan insanların sayında ən sürətli artım aşağı gəlirli ölkələrdə müşahidə olunur. Bu ölkələrdə 2022-ci ildə internet istifadəçilərinin sayı 17% artıb.
