Donald Tramp seçkilərdə qalib gələcəyi təqdirdə edəcəyi ilk işi açıqlayıb

Donald Tramp bildirib ki, seçkidə qalib gəlsə, görəcəyi ilk işlərdən biri Konqresə basqında təqsirli bilinənlərə amnistiya verilməsi olacaq.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Belə ki, sabiq ABŞ prezidenti bazar ertəsi günü "Truth Social" sosial media platformasında verdiyi açıqlamada 2021-ci il yanvarın 6-da ABŞ Konqresinə edilən hücumlarla bağlı “haqsız yerə həbs edilən insanları azad edəcəyini” bildirib.

Seçki kampaniyası zamanı verdiyi açıqlamalarda Tramp tez-tez Konqresə basqında mühakimə olunanları “girov” kimi qələmə verib və bu şəxslər üçün amnistiya nəzərdə tutulacağını bildirib.