"Moskva hələlik Yeni Dehlidən Rusiya neftinin tədarükündən imtina etməsi ilə bağlı heç bir bildiriş almayıb".
"Operativ Məlumat Mərkəzi-OMM" xəbər verir ki, bu sözləri Kremlin sözçüsü Dmitri Peskov deyib.
"Biz hələlik Dehlidən bu məsələ ilə bağlı heç bir açıqlama eşitməmişik", - o qeyd edib.
Peskov həmçinin Əbu-Dabidə keçiriləcək görüşə də toxunub.
O bildirib ki, danışıqlarda Rusiya nümayəndə heyətinin tərkibi eyni olaraq qalır: "Heyətə Rusiya Silahlı Qüvvələri Baş Qərargahının Baş Kəşfiyyat İdarəsinin rəisi İqor Kostyukov rəhbərlik edəcək".
Növbəti danışıqların Əbu-Dabidə keçirilməsi 4-5 fevral tarixlərinə planlaşdırılıb.
ABŞ-Rusiya-Ukrayna arasında ilk üçtərəfli danışıqlar yanvar ayının sonunda baş tutub.
