Afət Ziyadqızı
Moskvanın "Lokomotiv" klubunun hücumçusu Dmitri Vorobyov karyerasını "Krasnodar"da davam etdirməyə yaxındır.
“Operativ Məlumat Mərkəzi-OMM” xəbər verir ki, bu barədə insayder İvan Karpov məlumat yayıb. Bildirilir ki, tərəflər transferlə bağlı danışıqları yekunlaşdırmaq üzrədir.
Məlumata görə, 28 yaşlı futbolçu "Krasnodar"la 2030-cu ilin yayına qədər qüvvədə olacaq uzunmüddətli müqavilə imzalayacaq. Qeyd olunur ki, Vorobyovla daha əvvəl "Spartak" və ÇSKA da maraqlansa da, keçid baş tutmayıb.
Qeyd edək ki, Dmitri Vorobyov 2025/26 mövsümündə bütün turnirlərdə keçirdiyi 34 oyunda 12 qol vurub, 7 məhsuldar ötürmə edib. "Transfermarkt" portalı onun bazar dəyərini 6 milyon avro qiymətləndirir.
