Bu gün UEFA Çempionlar Liqasında 1/8 final mərhələsinin daha iki cavab oyunu baş tutacaq.
"Operativ Məlumat Mərkəzi-OMM" xəbər verir ki, bununla 1/4 finalın növbəti iştirakçılarının adına aydınlıq gələcək.
Gecənin ən maraqla gözlənilən qarşılaşması Almaniyada gerçəkləşəcək. İlk görüşdə PSJ-ni minimal hesabla məğlub edən (1:0) "Bayern" bu dəfə rəqibini doğma meydanında sınağa çəkəcək. Oyunun baş hakimi italiyalı Daniele Orsato olacaq.
Digər görüşdə isə "Milan" İngiltərədə "Tottenhem"lə üz-üzə gələcək. Görüşü fransalı FİFA referisi Klemen Türpin idarə edəcək. "Qırmızı-qaralar" Milan şəhərində keçirilən ilk qarşılaşmada 1:0 hesablı qələbəyə sevinib.
UEFA Çempionlar Liqası
1/8 final, cavab oyunları
8 mart
00:00. "Bayern" (Almaniya) - PSJ (Fransa)
Baş hakim: Daniele Orsato (İtaliya)
İlk oyun - 1:0
"Münhen Futbol Arenası".
00:00. "Tottenhem" (İngiltərə) - "Milan" (İtaliya)
Baş hakim: Klemen Türpin (Fransa)
İlk oyun - 0:1
London, "Tottenhem Hotspur" stadionu.
Xatırladaq ki, öncədən "Benfika" və "Çelsi" 1/4 finala vəsiqə qazanıblar.