Çinin xarici işlər naziri Tsin Qan 8-12 mayda Almaniya, Fransa və Norveçə səfər edəcək.
"Operativ Məlumat Mərkəzi-OMM" xəbər verir ki, bu barədə Çin Xarici İşlər Nazirliyinin rəsmi nümayəndəsi Van Venbin məlumat verib.
"Dövlət Şurasının üzvü, Çinin xarici işlər naziri Tsin Qan bu ölkələrin xarici işlər nazirləri - Annalena Berbok, Ketrin Kolonna və Anniken Huitfeltin dəvəti ilə mayın 8-12-də Almaniya, Fransa və Norveçə səfər edəcək", - o, brifinqdə deyib.
Çinli diplomat Tsin Qanın Avropaya siyasi turunun digər təfərrüatlarını açıqlamayıb.
