Afət Ziyadqızı
Çin Ukrayna böhranının siyasi həllinin tərəfdarıdır.
"Operativ Məlumat Mərkəzi-OMM" xəbər verir ki, Çin Xarici İşlər Nazirliyinin saytının məlumatına görə, bunu Çinin xarici işlər naziri Van İ Rusiya prezidenti Vladimir Putinlə görüşündə bildirib.
“Çin böhranın siyasi həllinin təşviqinə sadiqdir, beynəlxalq ictimaiyyətin obyektiv, rasional və balanslaşdırılmış fikirlərini bir araya gətirmək üçün bütün tərəflərlə işləməyə hazırdır”, - diplomat bildirib.
Eyni zamanda, Rusiya lideri təsdiqləyib ki, Rusiya hər zaman dinc danışıqlara açıqdır.
Görüş zamanı Putin Rusiya və Çinin ilk növbədə “beynəlxalq hüquq, suverenlik və bərabərlik” əsasında ədalətli demokratik dünya nizamı prinsiplərini birgə müdafiə etdiyini də vurğulayıb.
