Çin vətəndaşlarına ABŞ-yə səyahət etmələri barədə xəbərdarlıq edib

Çin ABŞ-yə səfər edəcək vətəndaşlarına gözlənilməz vəziyyətlərə hazır olmaq barədə xəbərdarlıq edib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Çinin Xarici İşlər Nazirliyinin "WeChat" hesabında dərc edilən səyahət xəbərdarlığında, bəzi Çinli tələbələrin və şirkət işçilərinin son vaxtlar ABŞ-dəki hava limanlarında polis tərəfindən qanunsuz sorğu-sual və təqiblərlə qarşılaşdıqları xatırladılıb.

Açıqlamada Çin vətəndaşlarının baqajlarında olan telefon, kompüter və digər əşyaların bir-bir yoxlanıldığı və bəzilərinin ölkəyə girişinin qadağan edildiyi, ABŞ-yə səfər edənlərin də oxşar hallarla rastlaşa biləcəyi bildirilib.