Çin xarici işlər nazirinin müavini Ma Zhaoxu bildirib ki, Çin rəsmiləri Rusiyanın BRİKS-ə sədrliyini fəal şəkildə dəstəkləyir və qrup üzvləri ilə bütün sahələrdə əməkdaşlığı genişləndirəcəklər.
"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.
"Çin Rusiyanın sədrliyinə fəal dəstək verəcək. Biz bütün müvafiq tərəflərlə açıqlıq, tolerantlıq və fayda prinsipləri əsasında qarşılıqlı fəaliyyət göstərməyə hazırıq", - deyə o, Çin Xarici İşlər Nazirliyinin saytında bildirib.
Baş diplomatın qeyd etdiyi kimi, Pekin BRIKS-ə üzv ölkələrlə bütün sahələrdə qarşılıqlı əlaqələri dərinləşdirmək və genişləndirmək, onlarla kommunikasiya mexanizmlərinin qurulmasına kömək etmək və yüksək səviyyəli əməkdaşlığı təmin etmək məqsədi daşıyır. O qeyd edib ki, birgə səylər sayəsində Birlik beynəlxalq təsirini əhəmiyyətli dərəcədə artırıb, bütün dünyada sülh və ədaləti təbliğ edib.
