Çin kosmik stansiyaya yeni taikonavt heyəti göndərib - 25.04.2024

Çinin Yer orbitində qurduğu Tiengong (Göy Sarayı) Kosmik Stansiyasında xidmət edəcək yeddinci taikonavt komandası yola düşüb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Belə ki, Kapsul havaya qalxdıqdan 10 dəqiqə sonra raketdən ayrılaraq planlaşdırılmış orbital istiqamətə daxil olub.

Bu gün kosmos stansiyasına çatdıqdan sonra taikonavt komandası 26 oktyabr 2023-cü il tarixində "Shincou-17" servisi ilə stansiyaya göndərilən və 5 aydır vəzifədə olan taikonavtlardan təhvil alacaq.

Xatırladaq ki, komanda Çinin indiyə qədər kosmik stansiyaya göndərdiyi ən gənc taikonavt qrupudur.