OMM Redaksiyası
Çin Xalq Respublikası ABŞ və İsraildən İrana qarşı həyata keçirilən hərbi hücumları dərhal dayandırmağı tələb edib.
"Operativ Məlumat Mərkəzi-OMM" xəbər verir ki, bu barədə Çin Xarici İşlər Nazirliyi rəsmi bəyanat yayıb.
Xarici siyasət idarəsinin bəyanatında qeyd olunur ki, rəsmi Pekin baş verən hərbi zərbələrlə bağlı ciddi narahatlıq keçirir.
"Biz hərbi əməliyyatların dərhal dayandırılmasına çağırırıq. Yaxın Şərqdə sülh və sabitliyi qorumaq üçün gərginliyin daha da artmasının qarşısı alınmalı, dialoq və danışıqlar bərpa edilməlidir" - deyə sənəddə bildirilir.
Nazirlik həmçinin vurğulayıb ki, Çin İran İslam Respublikasının milli suverenliyinə, təhlükəsizliyinə və ərazi bütövlüyünə hörmətlə yanaşılmasını zəruri hesab edir.
