Çin ABŞ-nin şirkətləri Rusiya sanksiyalarına daxil etməsinə reaksiya verib

ABŞ-nin Ukrayna müharibəsinə görə Rusiyaya qarşı tətbiq etdiyi sanksiyalar çərçivəsində 17 şirkətinin də yer almasına Çin reaksiya verib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Çin Xarici İşlər Nazirliyindən verilən açıqlamada Vaşinqtonun birtərəfli sanksiyalarla sərhədlər üzərindəki yurisdiksiyasından istifadə etdiyi və qərarın "iqtisadi zorakılığın tipik bir nümunəsi" olduğunu müdafiə etdiyi bildirilib.

Açıqlamaya görə, Çin ölkə şirkətlərinin qanuni hüquq və maraqlarını qorumaq üçün lazımi tədbirlər görəcək.