Filippində iyunun 8-də qeydə alınan 7,8 bal gücündəki dağıdıcı zəlzələnin fəsadları ağır olaraq qalır.
"Operativ Məlumat Mərkəzi-OMM" xəbər verir ki, ölkənin Sivil Müdafiə Bürosunun (OCD) yaydığı son məlumata görə, təbii fəlakət nəticəsində həyatını itirənlərin sayı 61 nəfərə çatıb.
Rəsmi rəqəmlərə əsasən, zəlzələ zamanı 1221 nəfər müxtəlif dərəcəli bədən xəsarətləri alıb.
Bununla yanaşı, 33 nəfərin taleyi hələ də məlum deyil və onların tapılması istiqamətində xilasetmə işləri davam etdirilir.
Yerli hakimiyyət orqanları dağıntılar altında qalanların axtarışını sürətləndirib.
ABŞ Geoloji Araşdırmalar Mərkəzinin (USGS) təqdim etdiyi texniki göstəricilərə görə, yeraltı təkanlar Sarangani əyalətinin Soccsksargen bölgəsindəki Kablalan rayonundan 26 kilometr cənub-qərbdə qeydə alınıb. Zəlzələnin ocağı 55,2 kilometr dərinlikdə yerləşib.
Qeyd edək ki, Filippin "Pasifik Ateş Çemberi" adlanan seysmik və vulkanik aktivliyin yüksək olduğu zonada yerləşdiyi üçün burada güclü zəlzələlər tez-tez müşahidə olunur.
