Cənubi Koreyanın sabiq prezidenti seçkilər ərəfəsində partiyadan çıxıb

Cənubi Koreyanın sabiq prezidenti Yun Sok Yol iyunun 3-də keçiriləcək prezident seçkiləri ərəfəsində bu gün hakim "Vətəndaş gücü" partiyasından çıxdığını elan edib.

"Operativ Məlumat Mərkəzi-OMM" xəbər verir ki, bu barədə “Yonhap” agentliyi məlumat yayıb.

"Bu gün mən "Vətəndaş gücü" partiyasını tərk edirəm. Mənə inanan və uzun müddət mənimlə olan silahdaşlarımın qarşısında baş əyirəm", - keçmiş prezident bildirib.

O qeyd edib ki, növbədənkənar prezident seçkilərində partiyanın namizədinin qələbəsini təmin etmək və ölkədə liberal demokratiyanı qorumaq üçün partiyadan çıxmasını ən yaxşı yol hesab edir.