Cəlilabadda narkotiklərin qanunsuz dövriyyəsinə qarşı keçirilən əməliyyat zamanı əvvəllər məhkum olunmuş şəxsdən külli miqdarda – 17 kiloqram narkotik vasitə aşkarlanıb.
“Operativ Məlumat Mərkəzi-OMM”-in məlumatına görə, sözügedən əməliyyat Cəlilabad Rayon Polis Şöbəsinin əməkdaşları tərəfindən həyata keçirilib.
Tədbirlər zamanı əvvəllər məhkum olunmuş 34 yaşlı Ziya Heydərzadə saxlanılıb. Ondan ümumilikdə 17 kiloqram marixuana, heroin, tiryək və metamfetamin müsadirə edilib.
Saxlanılan şəxs ifadəsində narkotikləri paytaxt ərazisindəki müxtəlif ünvanlara çatdırmaq məqsədi ilə əldə etdiyini etiraf edib.
Faktla bağlı cinayət işi başlanılıb. Saxlanılan şəxs barəsində məhkəmənin qərarı ilə həbs qətimkan tədbiri seçilib.
