Əməkdar incəsənət xadimi, bəstəkar Cavanşir Quliyevin ölüm xəbəri yayılıb. Onun İstanbulda müalicə aldığı xəstəxanada vəfat etdiyi bildirilsə də, məlumatın yanlış olduğu məlum olub. 

Heydər Əliyev Fondundan "Operativ Məlumat Mərkəzi-OMM"-ə verilən məlumata görə, 74 yaşlı bəstəkar bu gün planlı əməliyyata girəcək. 

Xatırladaq ki, Türkiyədə səfərdə olan Cavanşir Quliyevin fevralın 5-də səhər saatlarında halı pisləşmişdi. Onun beyninə qan sızdığı bildirilir. 

Bəstəkarın müalicəsinə Azərbaycanın Birinci vitse-prezidenti, Heydər Əliyev Fondunun Prezidenti Mehriban Əliyevanın tapşırığı ilə Fond tərəfindən dəstək verilir.

Rusiyanın Tatarıstan bölgəsinin iş adamları Azərbaycanın sənaye zonalarında yaradılmış biznes imkanlarından yararlanmağa dəvət edilib.

"Operativ Məlumat Mərkəzi-OMM" bu barədə İqtisadiyyat Nazirliyi yanında İqtisadi Zonaların İnkişafı Agentliyinə istinadən xəbər verir.

Məlumata görə, bu barədə müzakirələr Tatarıstanın baş nazirinin müavini, sənaye və ticarət naziri Oleq Korobçenkonun rəhbərlik etdiyi nümayəndə heyəti ilə Agentliyin İdarə Heyətinin sədri Seymur Adıgözəlov arasında keçirilmiş görüşdə aparılıb.

S.Adıgözəlov nümayəndə heyətinə Agentliyin idarəçiliyində olan sənaye zonaları, burada sahibkarlar üçün yaradılan əlverişli investisiya imkanları barədə məlumat verib.

Görüşdə Agentliklə Tatarıstanın Ximqrad Texnopolis arasında sənaye zonalarında investisiya layihələri, birgə əməkdaşlıq perspektivlərinə dair müzakirələr aparılıb.

Azərbaycanda yeni yaradılan kino ittifaqının - Azərbaycan Kinematoqrafçılar İttifaqının sədri məlum olub.

"Operativ Məlumat Mərkəzi-OMM" xəbər verir ki, sədrliyə namizəd kimi Xalq artisti Rasim Balayev təqdim edilib.

Onun sədrliyi təsdiq edilib.

Məşhur avstriyalı rəssam Qustav Klimtin “Miss Lieserin portreti” tablosu təxminən 100 ildən sonra üzə çıxıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Belə ki, Avstiryada yerləşən hərrac evi Im Kinsky, Qustav Klimtin son əsərlərindən biri olan və son fotoşəkili 1925-ci ildə çəkilən məşhur tablonun dünən üzə çıxdığını bildirib. 

Onilliklər ərzində bu mühüm sənət əsəri ictimaiyyətə məlum olmayan Avstriya vətəndaşının şəxsi mülkiyyətində olub. 1917-ci ildə çəkilmiş rəsmin bütün dünyada sərgilənəcəyini bildirən İm Kinski, Adolf və Henriette Lieserin qanuni varisləri adından rəsmin aprelin 24-də hərracda satılacağını qeyd edib.

Hollivud kino sənayesinin ən yaxşı ulduzlarını və son 12 ayda çəkilmiş filmləri mükafatlandıracaq builki "Oskar" mükafatlarına namizədləri müəyyən edib.

"Operativ Məlumat Mərkəzi-OMM" tam siyahını qeyd edir:

Mərhum Əməkdar artist Aygün Hümmətova (Bəylər) ilə vida mərasimi sabah saat 11:00-da Səttar Bəhlulzadə adına Mədəniyyət evində keçiriləcək.

"Operativ Məlumat Mərkəzi-OMM" xəbər verir ki, bu barədə sənətçinin yaxınları bildirib.

Vida mərasimindən sonra mərhum saat 13:00-da Suraxanı kənd qəbiristanlığında dəfn ediləcək.