“Arsenal” klubu İngiltərə çempionatının 23-cü turunun matçında “Liverpul”a qalib gəlib.
"Operativ Məlumat Mərkəzi-OMM" xəbər verir ki, "Emireyts" stadionunda keçirilən görüş 3:1 hesabı ilə başa çatıb.
Qarşılaşmada hesabı açan “topçular”ın cinah oyunçusu Bukayo Saka topuğundan zədə alıb.
Nəticədə Saka əvəzlənib və onun yerinə Reiss Nelson meydana daxil olub.
Bu mövsüm Saka 30 oyun keçirib, 11 qol vurub və 13 məhsuldar ötürmə edib.
23 oyundan sonra "Arsenal" 49 xalla Premyer Liqada ikincidir. Çempionata “Liverpul” başçılıq edir (51 xal).
Artetanın komandası növbəti matçını fevralın 11-də “Vest Hem Yunayted”ə qarşı keçirəcək.
