Nigeriyada ərzaq təhlükəsizliyini təmin etmək üçün fövqəladə vəziyyət elan edilib.
"Operativ Məlumat Mərkəzi-OMM" xarici KİV-ə istinadən xəbər verir ki, ölkə prezident Bola Əhməd Tinubu bütün aidiyyəti dövlət qurumlarına, xüsusilə də Kənd Təsərrüfatı və Su Təsərrüfatı Nazirliklərinə ərzaq məhsullarının istehsalı və qiymətlərini münasib səviyyədə saxlamağı tapşırıb.
Prezident ərzaq qiymətlərini mütəmadi olaraq izləmək və tənzimləmək üçün Milli Əsas Ehtiyaclar Şurası yaratmağa qərar verib.
İl boyu kənd təsərrüfatı məhsullarının istehsalının artırılması və fermerlərin təhlükəsizliyinin təmin edilməsi üçün təxirəsalınmaz təhlükəsizlik tədbirləri həyata keçiriləcək.
