Avropanın bir çox ölkəsində davam edən etirazlara qatılan ispan fermerlər ölkə daxilində traktorları ilə yol blokadası təşkil ediblər.

"Operativ Məlumat Mərkəzi-OMM" xəbər verir ki, bu barədə xarici KİV məlumat verib.

Fermerlər İspaniyanın Sevilya, Toledo, Qranada, Huelva, Saraqosa, Syudad Real, Valensiya, Malaga, Mursiya, Tarraqona, Lleida və Madrid kimi bir çox şəhərlərində magistral yollara çıxıb, traktorları ilə nəqliyyatın hərəkətini məhdudlaşdırıblar.

Fermerlərin etiraz aksiyaları dinc xarakter daşısa da, ölkə daxilində mühüm magistral yollarda nəqliyyatın hərəkətinin dayandırıldığı müşahidə edilib.

Rəsmilər etirazların səbəbinin AB-nin kənd təsərrüfatı siyasətlərində çeviklik, Aİ üzvü olmayan ölkələrdən gələn məhsullara məhdudiyyətlər və sərt nəzarət, quraqlıq probleminə qarşı yardımın artırılması, qida zəncirinə nəzarətin və tarlalardan bazarlara qədər qanunların gücləndirilməsi, fermerlərin sığorta hüquqlarının genişləndirilməsi olduğunu qeyd ediblər.

Xatırladaq ki, fermer etirazları Fransada yaranaraq digər ölkələrə sirayət edib.

İspaniya hökuməti İsrailə silah aparan gəminin yenidən təchizat üçün ölkənin limanlarında dayanması tələbini rədd edib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Belə ki, "Marianne Danica" adlı Danimarka kommersiya yük gəmisinin İsrailə silah və partlayıcı material daşıdığının açıqlanmasından sonra hökumət Sumar ittifaqı və Podemos partiyasının cinayət şikayətlərini nəzərə alıb və gəminin İspaniya limanına yaxınlaşmasına icazə verməyib.

Mövzu ilə bağlı Brüsseldə jurnalistlərin suallarını cavablandıran Xarici İşlər Naziri Jose Manuel Albares, "Biz bunu ilk dəfə edirik, çünki ilk dəfə İsrailə silah daşıyan bir gəminin İspanyada dayanmaq istədiyini təsbit edirik. İsrailə göndəriləcək döyüş materialları qəbul etməmək bizim siyasətimiz üçün doğru addımdır".

Niderlandda Zoraya Ter Beekin psixi sağlamlıq problemləri səbəbiylə evtanaziya müraciəti qəbul edilib.

"Operativ Məlumat Mərkəzi-OMM" xəbər verir ki, bu barədə “The Guardian” nəşri məlumat yayıb.

Belə ki, 29 yaşlı qadının “dözülməz ruhi ağrılar” keçirməsi səbəbiylə qanunla “tibbi yardımlı ölüm” olaraq təyin olunan evtanaziyaya tezliklə məruz qalacaq.

Müraciət prosesinin yekunlaşması təxminən 3,5 il davam edən Ter Beekin "psixi sağlamlıq problemləri" səbəbiylə evtanaziya ediləcəyi xəbəri Avropada "yardımlı intihar" müzakirələrini yenidən alovlandırıb.

Psixoloji xəstəlik səbəbiylə müraciətinin qəbul edilməsi ilə bağlı yaranan müzakirələri anladığını bildirən Ter Beek, bu qanuni hüququn Hollandiyada 20 ildir həyata keçirildiyini və bundan bəhrələndiyini bildirib.

Almaniyanın Düsseldorf şəhərində yaşayış binasının birinci mərtəbəsindəki köşkdə baş verən partlayışdan sonra yanğın baş verib.

"Operativ Məlumat Mərkəzi-OMM"  xəbər verir ki, bu barədə xarici KİV məlumat yayıb.

Alov yuxarı mərtəbələrə və park edilmiş avtomobillərə keçib. Çoxlu sayda mənzil sakini nərdivanlarla eyvandan çıxarılıb. Yanğınsöndürmə idarəsindən verilən açıqlamada 3 nəfərin öldüyü, 16 nəfərin xəstəxanalara aparıldığı bildirilib.

Yanğının səbəbi hələlik məlum deyil.

Almaniyanın qərbində yaşayış binasında yanğın baş verib.

"Operativ Məlumat Mərkəzi-OMM" “General Anzeiger”ə istinadən xəbər verir ki, yanğın gecə saatlarında binanın birinci mərtəbəsində baş verib, sonra ikinci mərtəbəyə keçib.

Hadisə zamanı 3 nəfər ölüb, daha iki nəfər yaralanıb.

Məlumata görə, yanğının səbəbi bəlli deyil.

Slovakiyanın Baş naziri Robert Fitso kabinetin iclasından sonra baş verən atışmada yaralanıb.

"Operativ Məlumat Mərkəzi-OMM" xəbər verir ki, bu barədə yerli mətbuat xəbər yayıb.

Məlumata görə, atəş Fitso ictimaiyyət arasında çıxdıqdan sonra açılıb. Onu xəstəxanaya aparıblar.

Bildirilir ki, hücum edən şəxs saxlanılıb və onun hərəkətinin motivləri məlum deyil.