OMM Redaksiyası
Nazirlər Kabinetinin 52 nömrəli qərarının tələbləri əsasında 57 nömrəli müntəzəm marşrut üzrə keçirilən müsabiqənin qalibi “BakuBus” MMC elan olunub.
Bu barədə "Operativ Məlumat Mərkəzi-OMM"-ə Bakı Nəqliyyat Agentliyindən (BNA) məlumat verilib.
Bildirilib ki, fevralın 24-dən etibarən bu xətt üzrə sərnişindaşıma zamanı gedişhaqqı nağdsız qaydada həyata keçiriləcək.
Rəsmi məlumata görə, 57 nömrəli marşrut xətti üzrə hazırda istismarda olan avtobusların texniki vəziyyəti qənaətbəxş deyil: "Bu xətt üzrə xidmət keyfiyyətinin artırılması ilə bağlı vətəndaşlardan çoxsaylı müraciətlər daxil olurdu. Yeni avtobusların istismara verilməsi Xətai rayonun 10 min nəfərdən artıq əhalisi olan “Həzi Aslanov” adlanan yaşayış sahəsi istiqamətində sərnişindaşımaların daha rahat və təhlükəsiz formada təşkilinə imkan verəcək”.
