Əli Məmmədli
Bu gündən Şuşada Vaqif Poeziya Günləri başlayır.
"Operativ Məlumat Mərkəzi-OMM" xəbər verir ki, Heydər Əliyev Fondu, Mədəniyyət Nazirliyi və Azərbaycan Yazıçılar Birliyinin təşkilatçılığı ilə iyulun 14-ü və 15-də Şuşada keçiriləcək poeziya günlərinin qonaqları artıq mədəniyyət paytaxtına toplaşıb.
Qonaqlar ilk əvvəl Şuşada bərpa edilmiş bir sıra dini və tarixi-mədəni abidələrimizi ziyarət edəcək.
Günün ikinci yarısında isə Vaqif Poeziya Günlərinin açılış tədbiri olacaq.
Daha sonra gecə saatlarınadək poeziya, konsert proqramları təqdim ediləcək.
