Bakıda keçirilən şahmat üzrə 10-cu Dünya Kubokunda bu gün qalib və mükafatçılar müəyyənləşəcək.
"Operativ Məlumat Mərkəzi-OMM" xəbər verir ki, turnirin qalibi tay-brekdə bəlli olacaq.
Finalda hindistanlı Rameşbabu Praqqnanandha beşqat dünya çempionu olan norveçli Maqnus Karlsen ilə qarşılaşacaq. Bundan əvvəl keçirilən 2 klassik qarşılaşmada heç-heçə qeydə alınıb.
Bürünc medal qarşılaşmasında isə Azərbaycan təmsilçisi Nicat Abasov Fabiano Karuana ilə qarşılaşacaq. Şahmatçılar ilk iki klassik partiyada hərəyə bir qələbə qazanıblar.