Kazan sammitində BRİKS iştirakçılarının dövlət başçıları hələlik assosiasiyaya yeni üzvləri qəbul etməmək, bəzi ölkələrə assosiasiyaya tərəfdaş statusu vermək qərarına gəliblər.
"Operativ Məlumat Mərkəzi-OMM" xəbər verir ki, bu barədə İranın xarici işlər naziri Abbas Əraqçi bildirib.
“BRİKS dövlətlərinin liderləri Kazanda keçirilən toplantıda 30-35 ölkənin assosiasiyaya qoşulmaq tələbinə cavab olaraq qərara gəliblər ki, hazırda qrupa yeni üzvlər qəbul edilməyəcək, bəzi ölkələr isə BRİKS-ə tərəfdaş kimi qoşulacaqlar. ", - deyə nazir IRNA agentliyinə müsahibə verib.
Əraqçi qeyd edib ki, Kazanda keçirilən sammitdə BRİKS ölkələri tərəfdaş statusu almaq üçün dövlətin hansı meyarlara cavab verməsi ilə bağlı müddəa hazırlayıb.
İranlı diplomat vurğulayıb ki, ölkənin assosiasiyaya qəbul olunması üçün onun bütün iştirakçıları arasında konsensus lazımdır.
