Afət Ziyadqızı
Hazırda BRİKS-in gündəmində genişlənmə məsələsi yoxdur.
"Operativ Məlumat Mərkəzi-OMM" xəbər verir ki, bu barədə “İzvestiya” qəzeti təşkilata bu il rəhbərlik edən Braziliya Xarici İşlər Nazirliyinin bəyanatına istinadən məlumat yayıb.
Bildirilib ki, təşkilatın genişlənməsi planlaşdırılmayıb, çünki iştirakçıların sayının artması institusional problemlərə gətirib çıxarıb.
Nəşr xatırladıb ki, son iki ildə BRİKS-in iki genişlənməsi baş verib: 2024-cü ildə ilk beş iştirakçıya daha dörd ölkə qoşulub: Braziliya, Rusiya, Hindistan, Çin, Cənubi Afrika - Misir, İran, BƏƏ, Efiopiya. 2025-ci ildə İndoneziya BRİKS-ə üzv olub.
Genişləmə son iki prezidentlik dövründə (Cənubi Afrika və Rusiya) olub. Bundan əlavə, Rusiyanın sədrliyi dövründə 12 ölkə tərəfdaş ölkə kimi iştiraka dəvət olunub.
