Çili millisinin sabiq kapitanı Klaudio Bravo 41 yaşında karyerasını bitirdiyini açıqlayıb.
"Operativ Məlumat Mərkəzi-OMM" xəbər verir ki, o, komanda yoldaşlarına, məşqçilərinə, azarkeşlərinə və ailəsinə dəstəyə görə təşəkkür edib.
"Peşəkar futboldan gedirəm, bu, ailə səviyyəsində müzakirə olunan, yaxşı düşünülmüş müdrik qərardır. Həyatımda vacib bir dövrü bitirməyin vaxtı gəldi", - deyə Bravo sosial şəbəkələrdə yazıb.
