Britaniya-Aİ sammitindən sonra birgə bəyanat yayılıb

İngiltərənin paytaxtı Londonda keçirilən Böyük Britaniya-Avropa İttifaqı Zirvə Toplantısından sonra verilən birgə bəyanatda bu sammitin yeni strateji tərəfdaşlığın ilk addımı olduğu və qlobal geosiyasi çağırışlara qarşı əməkdaşlığın artırılacağı bildirilib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

"Biz inkişaf edən və mürəkkəb qlobal geosiyasi mühit qarşısında ortaq dəyərlərimizi və daha dərin əməkdaşlığa sadiqliyimizi təsdiq edərək, Böyük Britaniya və Aİ arasında yeni strateji tərəfdaşlıq haqqında razılığa gəldik", - deyə məlumatda qeyd olunun.

Bəyanatda təhlükəsizlik, müdafiə, iqtisadiyyat və iqlim dəyişikliyi kimi mövzularda əməkdaşlığın artırılması istiqamətində addımların atılacağı və liderlərin demokratiya, insan haqları və qanunun aliliyi kimi fundamental prinsiplərə sadiq qalaraq ortaq təhlükəsizlik və iqtisadi strategiya hazırlamaq qərarına gəldiyi vurğulanıb.