OMM Redaksiyası
Dortmund “Borussiya”sında Çempionlar Liqasının üçüncü turunda “Sabah”la keçiriləcək matç ərəfəsində gərginlik artıb. “Bild”in məlumatına görə, Almaniya təmsilçisinin son üç qarşılaşmada qələbə qazana bilməməsi klub rəhbərliyinin və futbolçuların narazılığına səbəb olub.
Dortmund klubu “Verder”lə 2:2 hesablı heç-heçə edib, daha sonra “Budo-Qlimt”ə 0:1 hesabı ilə uduzub. Komanda “Yunion Berlin”lə görüşdə də qolsuz heç-heçə edib. Son iki matçda qol vura bilməmək isə klubda xüsusi narahatlıq yaradıb.
İdman direktoru Ole Buk komandanın nəticələrindən məyus olduğunu gizlətməyib. Qapıçı Qreqor Kobel də hücum xəttindəki problemləri açıq şəkildə etiraf edib.
“Borussiya”nın “Sabah”la oyuna maksimum konsentrasiya ilə çıxacağı gözlənilir. Bakıda xal itirilməsi klubdakı gərginliyi artıra və nəticələrlə bağlı böhranı mövsüm böhranına çevirə bilər.
