"Borussiya Dortmund" klubu tarixində unikal nailiyyətə imza atıb.
"Operativ Məlumat Mərkəzi-OMM" xarici KİV-ə istinadən xəbər verir ki, Almaniya Bundesliqasının 29-cu turunda Dortmund "Borussiya"sı "Ayntraxt Frankfurt"u qəbul edib. Görüş meydan sahiblərinin 4:0 hesablı qələbəsi ilə başa çatıb.
Beləliklə, komanda Almaniya çempionatında bir mövsümdə doğma meydanda ardıcıl 9-cu qələbəsini qazanıb.
Qələbə "Borussiya"ya Almaniya çempionatının turnir cədvəlinin birinci pilləsinə qalxmağa imkan verib. Komanda keçirdiyi 29 matçda 60 xal toplayıb və çempionatın bitməsinə 5 tur qalmış “Bavariya”nı bir xal qabaqlayıb. "Ayntraxt" 42 xalla 9-cu yerdədir.