ABŞ, Kanada və Meksikanın birgə ev sahibliyi etdiyi futbol üzrə dünya çempionatının yarımfinal mərhələsində İspaniya və Fransa milli komandaları üz-üzə gəlib.
“Operativ Məlumat Mərkəzi-OMM” xəbər verir ki, Dallasda keçirilən qarşılaşma İspaniya yığmasının 2:0 hesablı qələbəsi ilə başa çatıb.
Matçda hesab 22-ci dəqiqədə açılıb. Lüka Dinin Lamin Yamala qarşı qayda pozuntusundan sonra təyin olunan penaltini Mikel Oyarbasal dəqiq yerinə yetirib. İspaniya ikinci qolu isə 58-ci dəqiqədə Pedro Porronun dəqiq zərbəsi ilə vuraraq üstünlüyünü möhkəmləndirib.
Bu nəticə ilə İspaniya tarixində ikinci dəfə dünya çempionatının finalına yüksəlib. Komanda daha əvvəl 2010-cu ildə finala çıxaraq mundialın qalibi olmuşdu.
Qeyd edək ki, turnirin digər yarımfinal görüşündə İngiltərə və Argentina milliləri üz-üzə gələcək. Dünya çempionatının final qarşılaşması iyulun 19-da keçiriləcək.
