BMT Təhlükəsizlik Şurası İsrailin çağırışı ilə fövqəladə iclas keçirib.
"Operativ Məlumat Mərkəzi-OMM" xarici KİV-ə istinadən xəbər verir ki, İranın İsrailə hücumlarını müzakirə etmək üçün toplanmış TŞ-də çıxış edən BMT-nin Baş katibi Antoniu Quterreş Yaxın Şərqdə artan gərginliyin region və dünya üçün təhlükəli olduğuna diqqət çəkib.
Baş katib İran və İsraili maksimum təmkinli olmağa çağırıb.
“Mən tərəfləri bu hərbi əməliyyatları dərhal dayandırmağa çağırıram. Bütün üzv dövlətlərə xatırladıram ki, BMT nizamnaməsi hər hansı bir ölkənin ərazi bütövlüyünə və ya siyasi müstəqilliyinə qarşı hər hansı bir şəkildə güc tətbiq etməyi qadağan edir”.
Quterreş İranın hava hücumları ilə regionda gərginliyi daha da artırmasını pisləyib.
Baş katib əlavə edib ki, nə region, nə də dünya yeni müharibələrə tab gətirə bilər.