ABŞ Dövlət Departamentinin ərəbcə mətbuat katibi Hala Rharrit Prezident Cozef Baydenin Qəzza zolağı ilə bağlı siyasətinə etiraz olaraq istefa verib.

"Operativ Məlumat Mərkəzi-OMM" xəbər verir ki, bu barədə “Al Arabiya English” məlumat yayıb.

Bildirilib ki, Hala Rharrit Prezident Cozef Baydenin İsrailə silah göndərilməsi qərarından narazı qalıb: “Mən 2024-cü ilin aprelində ABŞ-nin Qəzza zolağındakı siyasətinə qarşı 18 illik xidmətdən sonra istefa verirəm”.

O, münaqişənin silah deyil, diplomatiya, sülh yolu ilə həllinin tərəfdarı olduğunu vurğulayıb.

Qeyd edək ki, ABŞ Prezidenti aprelin 24-də İsrailə 26 milyard dollar məbləğində hərbi yardımın edilməsinə dair sənədi imzalayıb.

Braziliyanın Sul əyalətində baş verən sel fəlakəti nəticəsində həyatını itirənlərin sayı 75-ə yüksəlib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Dövlət rəsmiləri 103 nəfərdən hələ də xəbər olmadığını açıqlayıb və can itkisinin arta biləcəyi barədə xəbərdarlıq ediblər. Daşqınlar bir çox şəhərlərdə yolları və körpüləri dağıdıb, sürüşmələrə səbəb olub və kiçik su elektrik stansiyasında bəndin qismən dağılmasına səbəb olub.

İndoneziyanın Papua əyalətinin Fakfak bölgəsi sahillərində 6,2 bal gücündə zəlzələ baş verib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

ABŞ Geoloji Xidməti (USGS) zəlzələnin episentrinin Fakfak bölgəsindən 153 kilometr cənub-qərbdə olduğunu açıqlayıb. Zəlzələ 12,1 kilometr dərinlikdə qeydə alınıb.İlkin məlumatlara görə, zəlzələdə can və ya mal itkisi qeydə alınmayıb.

Keniyada təxminən 3 həftədir davam edən leysan yağışların səbəb olduğu sel fəlakətində həyatını itirənlərin sayı 228-ə yüksəlib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Rəsmilər Hidayə qasırğasının yaxınlaşması ilə bağlı xəbərdarlıq edərək, qasırğanın sahilyanı bölgə üçün təhlükə yaratdığını qeyd ediblər. Qarşıdakı günlərdə güclü yağış və güclü küləyin güclənəcəyini bildirən səlahiyyətlilər vətəndaşları diqqətli olmağa və təxliyyə işlərini sürətləndirməyə çağırıb.

164 nəfərin yaralandığını, 72 nəfərin itkin düşdüyünü, 212 min 630 nəfərin sel və daşqınlar səbəbindən evlərini tərk etmək məcburiyyətində qaldığını bildirib.

İsrailin ölüm yağdırdığı Qəzzada can itkisi 34 min 735, yaralıların sayı isə 78 min 108-ə yüksəlib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Açıqlamada İsrail ordusunun son 24 saatda Qəzzanın müxtəlif bölgələrinə təşkil etdiyi hücumlarda 5 qırğın törətdiyi, hücumlarda daha 52 fələstinlinin həyatını itirdiyi, 90 fələstinlinin isə yaralandığı bildirilib.

Açıqlamada dağıntılar altında və yol kənarında hələ də ölənlərin olduğu, lakin İsrail qüvvələrinin maneəsi üzündən tibb qrupları və mülki müdafiə işçilərinin cəsədlərə çata bilmədiyi vurğulanıb.

HƏMAS İsraillə atəşkəsə razılaşıb.

"Operativ Məlumat Mərkəzi-OMM" xəbər verir ki, bu barədə hərəkatın teleqram kanalı məlumat yayıb.

HƏMAS lideri Qətər və Misirə hərəkatın atəşkəs təklifini təsdiqlədiyi barədə məlumat verib.