ABŞ Ukraynaya 20 milyard dollar kredit verəcək və onun qaytarılmasının Rusiyanın dondurulmuş aktivlərindən əldə edilən faiz gəlirləri hesabına olacağı gözlənilir.
"Operativ Məlumat Mərkəzi-OMM" xəbər verir ki, bunu ABŞ prezidenti Co Bayden deyib.
Baydenin sözlərinə görə, ümumilikdə Ukrayna 50 milyard dollar alacaq, Avropa İttifaqı da daxil olmaqla G7-nin qalan üzvləri eyni sxem üzrə kredit verəcək.
ABŞ prezidenti vurğulayıb ki, kreditlər Ukrayna xalqına dəstək olacaq və Qərb ölkələrində vergi ödəyiciləri üçün yük olmayacaq.
