Bakının Xəzər rayonunun Zirə qəsəbəsində tikilidə yanğın hadisəsi qeydə alınıb. Fövqəladə Hallar Nazirliyinin “112” qaynar telefon xəttinə daxil olan məlumat əsasında əraziyə dərhal yanğınsöndürmə qüvvələri cəlb edilib.
Nazirliyin "Operativ Məlumat Mərkəzi-OMM"-ə verdiyi məlumata görə, FHN-in Dövlət Yanğından Mühafizə Xidmətinin əməkdaşları hadisə yerinə operativ şəkildə müdaxilə ediblər.
Yanğın taxta konstruksiyadan ibarət söhbətgahda baş verib və yanğınsöndürənlərin vaxtında gördüyü tədbirlər nəticəsində alovun yaxınlıqdakı fərdi yaşayış evinə keçməsinin qarşısı alınıb.
Yanğın nəticəsində ümumi sahəsi 10 kvadratmetr olan söhbətgah, eləcə də bitişik fərdi yaşayış evinin dam örtüyünün yanar hissələri yanıb. Yaşayış evi əsaslı şəkildə yanğından mühafizə olunub.
