“Paytaxt ərazisinə intensiv xarakterli yağış yağsa da bu, normaldır”.
Bu sözləri ekoloq Qorxmaz İbrahimli "Operativ Məlumat Mərkəzi-OMM"-ə açıqlamasında bildirib.
Onun sözlərinə görə, sadəcə bizim infrastruktrumuz buna hazır deyil, çünki infrastruktur problemi var.
“Hazırda oktyabrn sonuna gəlmişik. Təbii fəlakət yoxdur və yağıntılar da normaldır. Hətta aylıq normanın üzərinə belə çıxmayıb. Sadəcə şəhər infrastrukturumuz və kanalizasiya sistemlərimiz düzgün qurulmadığl üçün yağış sularının gedəcək yeri olmur. Nəticədə isə ölümlə nəticələnən hallar baş verir”.
Q. İbrahimli deyir ki, əsas səbəb şəhər təsərrüfatının düzgün qurulmamasıdır. Anomal yağış yoxdur, sadəcə intensivliyi artan kimi şəhər buna hazır olmur. Belə olduqda isə həm nəqliyyatda, həm də yollarda problem yaranır.
“Payıza hazırlığımız göz önündədir. Qışa hazırlığa gəldikdə isə şəhər infrastrukturu və təsərrüfatı nə qışa nə də payız hazırdır. Hesab edirəm ki, təbii proseslərə etira etmək lazım deyil. Aylardır yağmayan yağış yağdı, bu problem deyil. Problem isə tamam fərqlidir”.
