Aprelin 4-6-da Bakıda və Abşeron yarımadasında, eyni zamanda bölgələrdə külək güclənəcək.
“Operativ Məlumat Mərkəzi-OMM” Milli Hidrometeorologiya Xidmətinə istinadən xəbər verir ki, küləkli hava şəraiti ilə bağlı sarı və narıncı xəbərdarlıq verilib.
Belə ki, Bakıda və Abşeron yarımadasında, o cümlədən ölkənin digər bölgələrində şimal-qərb küləyi əsəcək. Küləyin sürəti 13.9–20.7 m/san təşkil edəcək ki, bu da sarı xəbərdarlığa uyğundur.
Qazax, Ağstafa, Daşkəsən, Mingəçevir, Naftalan və Goranboyda isə şimal-qərb küləyi əsəcək, küləyin sürəti 20.8-28.4 m/san-dək güclənəcək. Bu isə narıncı xəbərdarlıqdır.
