Bakıda və Abşeron yarımadasında yanvarın 28-də bəzi yerlərdə fasilələrlə yağış yağacağı proqnozlaşdırılır.
Bu barədə "Operativ Məlumat Mərkəzi-OMM" Milli Hidrometeorologiya Xidmətinə istinadən xəbər verir.
Bildirilib ki, sabah mülayim cənub-şərq küləyi əsəcək. Havanın temperaturu gecə 2–4°, gündüz isə 5–9° isti olacaq. Atmosfer təzyiqi 768 mm civə sütunundan 763 mm civə sütununa düşəcək, nisbi rütubət isə 75–85 % təşkil edəcək.
Azərbaycanın rayonlarında əsasən yağmursuz hava gözlənilir.
Lakin axşam bəzi yerlərdə arabir yağış və qar yağacağı, ayrı-ayrı yerlərdə yağıntının intensivləşə biləcəyi ehtimalı var. Bəzi ərazilərdə arabir duman müşahidə olunacaq. Qərb küləyi bəzi dağlıq və dağətəyi rayonlarda güclənəcək.
